2026-11-19

نارائن پیٹ: پولیس ملازمتوں کی تیاری کے لیے خصوصی تربیت: ایس پی ڈاکٹر وینیت

نارائن پیٹ، یکم اکتوبر 2026 (سماجی خبریں):ضلع میں پولیس ملازمتوں کے خواہشمند نوجوانوں کے لیے ضلع پولیس کی نگرانی میں پولیس کانسٹیبل اور سب انسپکٹر (ایس آئی) کے عہدوں کے لیے خصوصی تربیتی پروگرام کا انعقاد عمل میں لایا جا رہاہے۔

جس کیلئے11 اکتوبر کو انٹرنس امتحان منعقد کیا جائے گا. ان خیالات کا اظہار ضلع ایس پی ڈاکٹر وینیت ائی پی ایس نے ضلع ایس پی دفتر کے کانفرنس ہال میں منعقدہ پریس کانفرنس سے خطاب کرتے ہوئے کہا.

اس موقع پر ایس پی نے بتایا کہ پولیس محکمہ میں ملازمت حاصل کرنے کے مقصد سے تیاری کرنے والے غریب اور متوسط طبقے کے خاندانوں سے تعلق رکھنے والے باصلاحیت بے روزگار نوجوانوں کو ضروری رہنمائی اور تربیت فراہم کرنے کے لیے یہ پروگرام شروع کیا جا رہا ہے۔

8 اکتوبر کی شام تک آن لاین فارم جمع کرنے کا موقع 

ضلع ایس پی ڈاکٹر وینیت، آئی پی ایس نے بتایا کہ خواہشمند نوجوانوں 8 اکتوبر 2026 تک اپنا نام QR Code پر اسکین کرتے ہوئے گوگل لنک کے ذریعہ اپنا نام درج کرواسکتے ہیں.

9 اور 10 اکتوبر کو آن لائن ہال ٹکٹ فراہم کی جائیگی اور 11 اکتوبر کو چٹم نرسا ریڈی میموریل ڈگری کالج میں انٹرنس امتحان منعقد کیا جائے گا۔ امتحان میں بہترین کارکردگی کا مظاہرہ کرنے والے امیدواروں کا انتخاب کرکے انہیں خصوصی کوچنگ فراہم کی جائے گی۔

خصوصی و معیاری تربیت پر توجہ 

اس پروگرام کے تحت ایک ماہ کی ٹرینگ فراہم کی جائیگی جس میں منتخب امیدواروں کو پولیس ملازمتوں کے لیے تربیت،فزیکل فٹنس کی تیاری کے لیے خصوصی تربیت،تحریری امتحان کے لیے خصوصی کوچنگ،پرسنالٹی ڈیولپمنٹ کلاسز،مسابقتی امتحانات کے لیے ضروری رہنمائی،امتحانات کے طریقہ کار اور نصاب سے متعلق آگاہی،امیدواروں کی صلاحیتوں کو بہتر بنانے کے لیے خصوصی موک ٹیسٹ اور پریکٹس سیشنز کے ذریعہ ٹریننگ فراہم کی جائیگی.

اس کے علاوہ ایس پی داکٹر وینیت نے بتایا کہ منتخب امیدواروں کو حیدرآباد کے معروف کوچنگ اداروں سے تجربہ کار فیکلٹی کے ذریعے تربیت کے ساتھ ساتھ معیاری اسٹڈی میٹریل بھی فراہم کیا جائے گا۔

خصوصی کوچنگ پروگرام میں شرکت کے خواہشمند نوجوان پہلے QR کوڈ اسکین کرکے اپنے نام کا اندراج کریں۔ امیدوار دیے گئے طریقہ کار کے مطابق اپنی تفصیلات درج کریں۔ ضلع کے بے روزگار نوجوان اس موقع سے استفادہ کریں۔

پولیس ملازمت کو اپنا ہدف بناکر سخت محنت سے تیاری کریں

اس موقع پر ایس پی ڈاکٹر وینیت نے بتایا کہ ضلع کے دیہی علاقوں میں موجود باصلاحیت نوجوانوں کو اگر مناسب رہنمائی اور تربیت فراہم کی جائے تو وہ مسابقتی امتحانات میں بہتر نتائج حاصل کرسکتے ہیں۔

مالی مشکلات کے باعث معیاری کوچنگ سے محروم رہنے والے غریب اور متوسط طبقے کے نوجوانوں کے لیے یہ خصوصی تربیتی پروگرام تیار کیا گیا ہے۔

انہوں نے نوجوانوں کو مشورہ دیا کہ جو لوگ پولیس محکمہ میں ملازمت حاصل کرنا چاہتے ہیں انہیں اس موقع سے بھرپور استفادہ کرنا چاہیے۔

نوجوانوں کو چاہیے کہ وہ اپنے والدین کی خواہشات کی تکمیل کے لیے نظم و ضبط کے ساتھ تربیت حاصل کریں، محنت کریں اور اپنے مقصد کو حاصل کریں۔ باصلاحیت نوجوانوں کو ضروری حوصلہ افزائی اور رہنمائی فراہم کرنا ہی اس پروگرام کا بنیادی مقصد ہے۔

ضلع ایس پی ڈاکٹر وینیت نے اپیل کی کہ نارائن پیٹ ضلع کے نوجوان اس موقع سے استفادہ کرتے ہوئے پولیس ملازمتوں میں کامیابی حاصل کریں اور اپنے خاندان کے ساتھ ساتھ ضلع کا نام بھی روشن کریں۔

اہم تاریخیں:

ناشر: سماجی خبریں
رجسٹرڈ فارماسسٹ کی نگرانی میں ہی ادویات کی فروخت یقینی بنائی جائے. ایم ڈی علیم

Related Post