0
0
نارائن پیٹ 16/اگست (سماجی خبریں) رکن اسمبلی نارائن پیٹ ڈاکٹر چٹم پرنیکا ریڈی نے جمعہ کو ایک بیان میں مطالبہ کیا کہ سابق وزیر کے ٹی آر کو بس میں مفت سفر کرنے والی خواتین کے خلاف اپنے تبصرے پر فوری معافی مانگنی چاہئے۔ اس موقع پر رکن اسمبلی نے کہا کہ خواتین کو معاشی طور پر بااختیار بنانے کے مقصد سے حکومت کی طرف سے متعارف کرائی گئی 6 گارنٹی اسکیموں میں خواتین کو خصوصی طور پر مفت بس میں سفر کرنے کی سہولت فراہم کی گئی ہے چونکہ اس اسکیم کی کامیاب عملدرآمد سے حکومت نے خواتین میں اچھی شہرت حاصل کی ہے۔ کے ٹی آر کی جانب سے خواتین کے بارے میں یہ کہہ کر کہ بس میں خواتین کے بریک ڈانس کریں، ناچیں گائیں، کہنا مناسب نہیں ہے۔ انہوں نے کہا کہ ریاست کی تمام خواتین کے ٹی آر کی طرف سے کہے گئے الفاظ سے تکلیف محسوس کر رہی ہیں ایک ذمہ دار عہدہ پر کام کرنے والے فرد سے اس طرح کے بیانات کی توقع نہیں تھی۔ اس کے بعد خواتین کے بارے میں بات کرتے ہوئے اگر وہ اپنے منہ کو قابو میں نہیں رکھنا چاہتیں تو خواتین انہیں مناسب جواب دیں گی۔
