کریم نگر کی شاتاواہنا یونیورسٹی میں 2 ستمبر کو اسپاٹ ایڈمیشن
کریم نگر 29 اگست(رپورٹ :نصار احمد):تلنگانہ کونسل آف ہائر ایجوکیشن (TGCHE)، حیدرآباد کی جانب سے جاری کردہ نوٹیفکیشن اور رہنما اصولوں کے مطابق، کریم نگر کی شاتاواہنا یونیورسٹی کے یونیورسٹی کالج آف سائنس میں تعلیمی سال 2026-27 کے لیے MCA پروگرام میں اسپاٹ داخلوں کا انعقاد 2 ستمبر 2026 کو کیا جائے گا۔
یونیورسٹی کالج آف سائنس کے پرنسپل ڈاکٹر ایس. رماکانت نے اپنے اعلامیہ میں بتایا کہ MCA میں ابھی تک داخلہ حاصل نہ کرنے والے امیدوار، خواہ انہوں نے TGICET-2026 میں اہلیت حاصل کی ہو یا نہ کی ہو، اسپاٹ داخلوں میں شرکت کرسکتے ہیں۔
امیدواروں کو ہدایت دی گئی ہے کہ وہ اپنے تمام اصل سرٹیفکیٹس، ایک سیٹ زیراکس نقول اور مقررہ فیس کے ساتھ اسپاٹ ایڈمیشن کے لیے حاضر ہوں۔ دستیاب نشستوں کی حتمی تفصیلات اور داخلے سے متعلق رہنما اصول TGCHE کی ویب سائٹ پر جاری کیے گئے ہیں، جبکہ یونیورسٹی کے نوٹس بورڈ پر بھی تفصیلات آویزاں کی گئی ہیں۔
مقام: یونیورسٹی کالج آف سائنس، شاتاواہنا یونیورسٹی کیمپس، کریم نگر
تاریخ: 2 ستمبر 2026وقت: صبح 10 بجے تا شام 5 بجے ، مزید معلومات کے لیے رابطہ: 7207777664