0
0
نارائن پیٹ 15/اگست(سماجی خبریں):تلنگانہ ریاست چیف منسٹر اینومولا ریونت ریڈی کی قیادت میں سرسبز ا شاداب تلنگانہ اور آبی تلنگانہ کی راہ میں ترقی کر رہا ہے۔ اسی طرح نارائن پیٹ کی ترقی کیلئے ہر کسی کو سخت محنت کرنے کی ضرورت ہے۔ ان خیالات کا اظہار ریاستی پولیس ہاؤسنگ کارپوریشن لمیٹڈ چیئرمین آر۔گورناتھ ریڈی نے نارائن پیٹ ضلع مرکز کے پولس پریڈ گراؤنڈ میں منعقدہ 78ویں یوم آزادی کی تقریبات میں بطور مہمان خصوصی خطاب کرتے ہوئے کہا۔ اس موقع پر ان کے ہمراہ رکن اسمبلی نارائن پیٹ محترمہ ڈاکٹر چٹم پرنیکا ریڈی، ضلع کلکٹر سکتہ پٹنائے، ضلع کے ایس پی یوگیش گوتم ضلع، ایڈیشنل کلکٹرس ماینک متل، اشوک کمار اور ٹریننگ کلکٹر گریما نارو موجود تھے۔
اس موقع پر ہاؤسنگ کارپوریشن لمیٹڈ چیئرمین آر۔ گورناتھ ریڈی نے قومی پرچم لہرایا اور ضلعی پولیس کی سلامی لی۔ اس موقع پر گورناتھ ریڈی نے خطاب کرتے ہوئے کہا کہ تلنگانہ حکومت عوام کی فلاح و بہبود کے لئے بہت سی اسکیمات اور پروگراموں کو ڈیزائن اور ان پر عمل آوری کررہی ہے۔ ہم سنہرے تلنگانہ کی تعمیر کی سمت میں مضبوط قدم اٹھا رہے ہیں اور متعارف کرائے گئے منصوبوں کو عملی جامہ پہنا رہے ہیں تاکہ تلنگانہ کا روشن مستقبل ہو۔ تلنگانہ نہ صرف ماضی کے پیدا کردہ مسائل کے چکر سے نکل رہا ہے بلکہ ایک مسلسل ترقی پسند ریاست کے طور پر پوری دنیا کی توجہ اپنی طرف مبذول کر رہا ہے۔ یہ ہماری دہائیوں کی طویل جدوجہد کا ثبوت ہے۔ ریاست کی کامیابیاں تلنگانہ کے بچوں کی حیثیت سے ہم سب کے لئے فخر کا باعث ہیں۔ ریاست نے حالیہ دنوں میں حکومت کی طرف سے متعارف کرائی گئی ابیہ ہستم 6 گارنٹی اسکیموں کے ذریعے شاندار کامیابیاں حاصل کی ہیں۔ ریاستی حکومت کی جانب سے نافذ کردہ مختلف اسکیموں کو ملک و بیرون ملک سے پذیرائی مل رہی ہے اور ریاست تلنگانہ نے کئی ایسے پروگرام شروع کرکے ملک کے لیے ایک مثال قائم کی ہے جو ملک کی کسی دوسری ریاست میں نافذ نہیں کی جاتی ہے۔ چیف منسٹر ریونت ریڈی کی قیادت میں ریاستی حکومت نے عوامی مسائل کو حل کرنے میں پیش قدمی کی ہے اور عوامی حکومت کی جانب سے عوام سے کئے گئے وعدوں کے مطابقاقتدار میں آنے کے 48 گھنٹوں کے بعد ایک ایک کرکے ابیہ ہستم6گارنٹیوں کو عملی جامہ پہنایا گیا ہے۔ اندرما گرام سبھا کا انعقاد کیا جارہا ہے اور لوگوں سے درخواستیں وصول کرکے اسکیموں کو نافذ کیا جارہا ہے۔ حکومت ریاست میں لڑکیوں اور خواجہ سراؤں کے لیے آر ٹی سی بسوں میں مفت سفر کی سہولت کو نافذ کر رہی ہے، اس اسکیم کے ذریعے خواتین کو ایک پیسہ خرچ کیے بغیر ریاست میں کہیں سے بھی مفت سفر کی سہولت ملے گی۔ نارائن پیٹ ضلع ہینڈلوم ٹیکسٹائل کے لئے مشہور ہے اور ضلع میں یوم آزادی منانا بڑی خوشی کی بات ہے۔
نارائن پیٹ ضلع میں اب تک 61,51,482 خواتین نے حکومت کی طرف سے نافذ مفت بس سفر کے ذریعے مفت ٹرانسپورٹ کی سہولت حاصل کی ہے۔ راجیو آروگی شری اسکیم کی وجہ سے ضلع میں 33,310 غریب لوگ علاج کروانے میں کامیاب ہوئے اور اس کے ذریعہ 73.33 لاکھ غریبوں کو فائدہ پہنچا۔ اندرما گھر اسکیم کے تحت حلقہ میں 3500 مکانات تعمیر کئے جائیں گے۔ مہالکشمی اسکیم کے تحت ضلع میں 61 ہزار 752 افراد مستفید ہوئے ہیں اور اب تک صارفین کو 31 ہزار 20 گیس سلنڈر تقسیم کیے جاچکے ہیں، جس کے ذریعے حکومت نے 75 لاکھ روپے کی سبسڈی فراہم کی ہے۔گروہا جیوتی پروگرام کے تحت حکومت 200 یونٹ کے تحت بجلی صارفین کو مفت بجلی فراہم کرے گی اس اسکیم کے ذریعے ضلع میں اب تک117608 صفر بل جاری کیے گئے ہیں اور 62564 خاندان مستفید ہوئے ہیں۔انہوں نے اس موقع پر انکشاف کیا کہ ضلع میں کسان قرض معافی اسکیم کے تحت کل 46564 کسانوں کو 348.17 کروڑ روپے کی قرض معافی دی گئی ہے۔ ترقیاتی کاموں کے انتظام کے لیے امن و سلامتی بہت ضروری ہے اور امن و امان برقرار رکھنے کے لیے انتھک محنت کرنے پر پولیس فورس کو مبارکباد دی۔انہوں نے آزادی پسندوں، قانون سازوں، عوامی نمائندوں، ضلع کلکٹر، ایس پی، مختلف محکموں کے ضلعی افسران، رضاکارانہ خدمت کرنے والی تنظیموں، صحافیوں اور ضلع کی ترقی کے لیے کام کرنے والے لوگوں کو بھی مبارکباد دی۔ساتھ ہی انہوں نے پورے ضلع سے ترقی کے لیے کام کرنے کی اپیل کی اور ہر ایک کو ترقی کی راہ پر اپنا حصہ ڈالنے کی خواہش کی اور انہیں 78ویں یوم آزادی کی مبارکباد دی۔بعد ازاں انہوں نے ایم ایل اے، کلکٹر، ایس پی اور ایڈیشنل کلکٹر کے ساتھ مل کر ضلع دیہی ترقیاتی تنظیم شی ٹیم ویپن ڈسپلے، ڈسٹرکٹ میڈیکل ہیلتھ ڈپارٹمنٹ، ہینڈلوم ٹیکسٹائل ڈپارٹمنٹ، محکمہ بجلی، انٹیٹا انوویشن، ہارٹیکلچر، سلک انڈسٹریز کی نگرانی میں لگائے گئے اسٹالز کا معائنہ کیا۔ پریڈ گراؤنڈ پر محکمہ زراعت۔
