0
0
ٹی یو ڈبلیو جے کے ذمہ داران کا دورہ اٹکور، صحافیوں سے ملاقات
اٹکور 23اکتوبر (سماجی خبریں ) نارئن پیٹ ضلع کنوینر نارائن ریڈی نے درخواست کی کہ ٹی یو ڈبلیو جے (آئی جے یو) ضلع کا پہلا اجلاس جو اس ماہ کی 27 تاریخ کو نارائن پیٹ ضلع مرکز میں منعقد کیا جارہا ہے اسے کامیاب بنایا جائے۔ اس ضمن میں آج بروز چار شنبہ کو اوٹکور منڈل صدر وائی۔ وتھوبا کی زیر صدارت میں ایک میٹنگ ہوئی۔ اس موقع پر بات کرتے ہوئے انہوں نے کہا کہ ضلع پہلی مہاسبھا میں مہمان خصوصی کے طور پر پریس اکیڈمی کے چیرمین سرینواس ریڈی، ریاستی وزیر جوپلی کرشنا راؤ، محبوب نگر ایم پی ڈی کے ارونا، نارائن پیٹ اور مکتھل کے ایم ایل ایز ڈاکٹر پرنیکا ریڈی، وکیتی سری ہری، ٹی ڈبلیو کے ریاستی صدر ویراہت علی اور سکریٹری مدھو گوڑ بھی اس موقع پر موجود رہیں گے۔ ۔ ضلع بھر کے صحافیوں سے کہا گیا کہ وہ کثیر تعداد میں شرکت کر کے صحافیوں کے مسائل اور ان کی فلاح و بہبود پر بات کریں۔ اس میٹنگ میں ریاستی قائدین رگھو گنپا، قائدین سرینواس، مادھو، پرتاپ ریڈی، اشوک، وینکٹ رامولو، چندر پرکاش،محمد اشفاق نمائندہ راشٹریہ سہارا ، منظور احمد نمائندہ سیاست، شنکر ریڈی، بھگونتو ریڈی اور دیگر موجود تھے۔
