0
0
ضلع کلکٹر سکتھا پٹنائک اور مقامی ایم ایل اے ڈاکٹر چٹم پرنیکا ریڈی نے کہا کہ نارائن پیٹ میڈیکل کالج کو ریاست میں رول ماڈل کے طور پر کھڑا ہونا چاہئے۔ بدھ کے روزارائن پیٹ منڈل کے اپک پلی میں نوتعمیر شدہ میڈیکل کالج میں لیٹر آف پرمیشن تقریب کا انعقاد کالج کے پرنسپل ڈاکٹررام کشن کی صدارت میں کیا گیا جبکہ ضلع کلکٹر اور مقامی رکن اسمبلی مہمان خصوصی کی حیثیت سے موجود تھے ۔ اس موقع پر چراغ روشن کیا اور کیک کاٹ کر تقریب کا آغاز کیا۔ قبل ازیں، ضلع کلکٹر نے کہا کہ کلکٹر کا عہدہ سنبھالنے کے چند ہفتوں کے اندر، این ایم سی (نیشنل میڈیکل کونسل) کی دہلی ٹیم نے نارائن پیٹ میڈیکل کالج کا معائنہ کیا۔ سابق کلکٹر کویا سری ہرشا، نارائن پیٹ کے ایم ایل اے چٹم پرنیکا ریڈی اور پرنسپلرام کشن نے میڈیکل کالج کی کوششوں کی ستائش کی۔ کلکٹر نے کالج میں شامل ہونے والے پہلے سال کے طلباء اور کالج کے قیام کے لئے اجتماعی طور پر کام کرنے والے عوامی نمائندوں کو مبارکباد دی۔
رکن اسمبلی نارائن پیٹ چٹم پرنیکا ریڈی نے کہا کہ جب وہ بحیثیت رکن اسمبلی نارائن پیٹ انتخابات میں کامیابی حاصل کی تھیں تب میڈیکل کالج کی عمارت کی تعمیر چل رہی تھی اور پرنسپل ابھی آئے تھے۔ لیکن انہوں نے کہا کہ انہیں امید نہیں تھی کہ میڈیکل کالج کی تعمیر اتنی جلد مکمل ہو جائے گی اور این ایم سی(نیشنل میڈیکل کالج ) کی منظوری آجائے گی۔ انہوں نے کہا کہ میڈیکل کالج کا قیام ایک بڑا عمل ہے جیسا کہ وہ بطور میڈیکل طالب علم اپنے تجربے سےجانتی ہیں۔رکن اسمبلی نے کہا کہ کالج کے پرنسپل، میڈیکل کالج کی تعمیر کا کام لینے والے ٹھیکیدار، ٹی ایس ایم آئی ڈی سی ای ای اور پرانے اور نئے کلکٹرس کے ساتھ تال میل کی وجہ سے کالج کولیٹر آف پرمیشن ملی۔ انہوں نے کہا کہ انہیں خواب میں بھی اس کی امید نہیں تھی۔ انہوں نے یاد دلایا کہ ایک بار ان کے دادا چٹم نرسریڈی نے نارائن پیٹ میں ڈگری کالج شروع کیا اور کئی سالوں کے بعد ڈگری کالج دوبارہ دھنواڑا آیا۔ انہوں نے کہا کہ نارائن پیٹ میڈیکل کالج کو ریاست میں رول ماڈل بنانے کی کوشش کی جائے گی۔ اس موقع پر ایم ایل اے نے میڈیکل کالج آنے والی میڈیکل ٹیم کا شکریہ ادا کیا۔ انہوں نے دیگر ڈاکٹروں سے کہا کہ وہ یہاں آکر میڈیکل کالج میں ڈیوٹی سرانجام دینے میں تعاون کریں۔ انہوں نے امید ظاہر کی کہ نیا میڈیکل کالج ضلع کے لوگوں بالخصوص نارائن پیٹا حلقہ کے لوگوں کو بہتر طبی خدمات فراہم کرے گا۔ انہوں نے کہا کہ کالج میں نئے ڈاکٹروں کی حوصلہ افزائی کرنا ہم سب کی ذمہ داری ہے۔ اس موقع پر رکن اسمبلی نے مزید کہا کہ نارائن پیٹ میں بہت سے بے روزگار لوگ ہیں اور نئے کالج کے قیام سے اس علاقہ کے بے روزگار لوگوں کو روزگار اور روزگار کے مواقع میسر آئیں گے۔ لیکن نئے شامل ہونے والے ڈاکٹروں اور عملے، خاص طور پر صفائی کے کارکنوں کی زیادہ ذمہ داری ہے اور سیکیورٹی بہت اہم ہے۔ انہوں نے یقین دلایا کہ وہ میڈیکل کالج کے انتظام کے حوالے سے طبی ماہرین کو دستیاب ہوں گے۔ انہوں نے رائے دی کہ گیسٹ لیکچررس کو کالج میں کام کرنے کے لیے مدعو کیا جاتا ہے اور آئی ایم اے صدر کو اس سلسلے میں سرکاری اسپتال اور کالج کے ساتھ تعاون اور حوصلہ افزائی کرنی چاہیے۔رکن اسمبلی نے نارائن پیٹ میڈیکل کالج کے اجازت نامے کی تقریب کے موقع پر ضلع کے لوگوں کو مبارکباد دی۔
