2026-11-20
نارائن پیٹ: انڈیا اتحاد جماعتوں کا 6 اکتوبر کو کلکٹریٹ گھیراؤ کا اعلان
نارائن پیٹ انڈیا بلاگ قائدین پریس کانفرنس کے دوران

حقِ رائے دہی کے تحفظ کے لیے ہونے والے احتجاج اور ڈسٹرکٹ کلکٹریٹ کے گھیراؤ کو کامیاب بنانے کی اپیل۔

نارائن پیٹ 5 اتوبر(سماجی خبریں):ایس آئی آرمیں ہورہے بے قیدگیوں اور چیف الیکشن کمشنر گیانیش کمار کے استعفیٰ کا مطالبہ کرتے ہوئے ملک بھر میں "انڈیا "اتحادی جماعتوں کے احتجاج کا اعلان کیا ہے

جس کے پیش نظر نارائن پیٹ ‘انڈیا’ اتحاد ی جماعتوں کے رہنماؤں نے عوام سے اپیل کی ہے کہ وہ حقِ رائے دہی کے تحفظ اور ووٹر لسٹ میں بے قاعدگیوں کے خلاف احتجاجی تحریک میں بڑی تعداد میں شرکت کریں۔

نارائن پیٹ ضلعی ہیڈکوارٹر میں واقع سی وی آر بھون میں منعقدہ پریس کانفرنس سے خطاب کرتے ہوئے ڈسٹرکٹ کانگریس پارٹی کے صدر کے پرشانت کمار ریڈی، سی پی آئی (ایم) کے ضلعی سیکریٹری وینکٹ رام ریڈی اور سی پی آئی (ایم ایل) ماس لائن کے رہنما کاشی ناتھ نے کہا کہ ووٹر لسٹ اور انتخابات کے انعقاد کے حوالے سے عوام کے شکوک و شبہات کو دور کرنا الیکشن کمیشن کی ذمہ داری ہے۔

ووٹر لسٹ میں اول ووٹرس کو شامل کرنے کا مطالبہ 

انہوں نے مطالبہ کیا کہ اہل ووٹروں کے نام ووٹر لسٹ سے حذف نہ کیے جائیں اور ہر شہری کو اپنے حقِ رائے دہی کا استعمال کرنے کا مکمل موقع فراہم کیا جائے۔

اس موقع پر قائدین نے مزید کہا کہ ‘اسپیشل سمری ریویژن’ (SSR) کے عمل میں اہل ووٹروں کو مناسب موقع فراہم کرنے پر زور دیا۔ انہوں نے کہا کہ فوت شدہ افراد، ڈپلیکیٹ اندراجات اور دیگر غیر اہل ناموں کی قواعد کے مطابق جانچ کی جائے، جبکہ ہر اہل ووٹر کا نام ووٹر لسٹ میں برقرار رکھنے کے لیے ضروری اقدامات کیے جائیں۔

نئے بس اسٹینڈ تا دفتر ضلع کلکٹر ریالی کا اہتمام

اسی تناظر میں، انہوں نے منگل کو نارائن پیٹ ضلعی ہیڈکوارٹر میں ہونے والے دھرنے اور ڈسٹرکٹ کلکٹریٹ کے گھیراؤ کو کامیاب بنانے کی اپیل کی۔

انہوں نے اعلان کیا کہ یہ پروگرام صبح 11 بجے نئے بس اسٹینڈ کے سامنے واقع ای وی ایم (EVM) گودام سے شروع ہوگا اور پرانے بس اسٹینڈ اور سول لائنز سے ہوتا ہوا کلکٹریٹ تک جائے گا۔

اس موقع پر انہوں نے ‘انڈیا’ اتحاد میں شامل اتحادیوں، کانگریس سے وابستہ تنظیموں کے رہنماؤں اور کارکنوں، جمہوریت کے حامیوں، نوجوانوں، خواتین اور عوام سے اپیل کی کہ وہ بڑی تعداد میں شرکت کریں اور احتجاج کی کامیابی کو یقینی بنائیں

قائدین کی شرکت 

پریس کانفرنس میں کانگریس کے ضلعی جنرل سیکریٹری محمد سلیم؛ مارکیٹ کمیٹی کے سابق چیئرمین شیوا ریڈی، بانڈی وینوگوپال اور سدھاکر؛ ضلعی سرکاری ترجمان سنتوش کمار؛ ٹاؤن اور منڈل صدور وینکٹیش گوڑ اور کوٹلا رویندر ریڈی شامل تھے۔

اس کے علاوہ ضلعی اقلیتی سیل کے صدور محمود قریشی اور یوسف تاج؛ سی پی آئی (ایم) کے رہنما بالارام؛ سی پی آئی (ایم ایل) ماس لائن کے رہنما کنچی نارائنہ؛ اور دیگر جماعتوں کے رہنما موجود تھے.

Related Post