2026-11-18

جورالا آبپاشی کے پانی کی فوری اجرائی کا مطالبہ

حیدرآباد، 22 ستمبر: رکن پارلیمنٹ محبوب نگرڈی کے ارونا نے جورالا پراجکٹ کے تحت آنے والےعلاقہ میں خشک ہوتی فصلوں کو بچانے کے لیے فوری طور پر آبپاشی کا پانی جاری کرنے کا مطالبہ کیا ہے۔ انہوں نے کسانوں کی حمایت میں بی جے پی کی جانب سے جورالا پراجکٹ کے دورے کو روکنے کے لیے پارٹی قائدین کو ہاؤس اریسٹ کیے جانے کی شدید مذمت کی۔

ڈی کے ارونا نے کہا کہ گدوال ضلع بی جے پی صدر رامانجنیولو، بی جے پی کی نوجوان خاتون قائدڈی کے سنیگدھا ریڈی، سابق میونسپل چیئرمین بنڈلا وینکٹ رامولو، وینکٹیشور ریڈی سمیت دیگر ضلعی قائدین کو پولیس کی جانب سے ہاؤس اریسٹ کرنا قابل مذمت ہے۔

انہوں نے کہا کہ بی جے پی مسلسل کسانوں کے مسائل کے لیے جدوجہد کرتی رہے گی۔ جورالا آیَکٹ کے تحت کاشت کی گئی فصلیں پانی کی عدم دستیابی کے باعث خشک ہونے کے مرحلے میں ہیں، لہٰذا حکومت کو فوری طور پر مداخلت کرتے ہوئے آبپاشی کا پانی جاری کرنا چاہیے۔

کسانوں کے مسائل پر کانگریس پر سنجیدگی کے فقدان کا الزام

ڈی کے ارونا نے الزام عائد کیا کہ کانگریس حکومت میں کسانوں کی فصلوں کو بچانے کے معاملے میں سنجیدگی کا فقدان ہے۔ انہوں نے کہا کہ جورالا پراجکٹ سے فوری طور پر آیَکٹ کو پانی فراہم کیا جائے۔ کسانوں کے مسائل حل کرنے کے بجائے پُرامن احتجاج کرنے والے قائدین کو ہاؤس اریسٹ کرنا جمہوری حقوق کو دبانے کے مترادف ہے۔

انہوں نے کہا کہ بی جے پی کے ریاستی صدر رام چندر راؤ کی اپیل پر جورالا پراجکٹ کے دورے کے لیے تیار ہونے والے بی جے پی قائدین کو حکومت کی جانب سے روکنا مناسب نہیں ہے۔

رکن پارلیمنٹ نے مزید کہا کہ جورالا پراجکٹ میں خاطر خواہ پانی کے ذخائر موجود ہونے کے باوجود آیَکٹ کو آبپاشی کا پانی جاری نہ کیے جانے کے باعث کسان شدید مشکلات سے دوچار ہیں۔ پانی نہ ملنے سے کاشت کی گئی فصلیں خشک ہو رہی ہیں اور کسانوں میں تشویش پائی جاتی ہے۔

ڈی کے ارونا نے کہا کہ کسانوں کے مسائل حل کرنے کے بجائے قائدین کو گھروں میں محصور کرکے حکومت کسانوں کی آواز دبانے کی کوشش کر رہی ہے۔ انہوں نے واضح کیا کہ جب تک جورالا آیَکٹ کے کسانوں کو آبپاشی کا پانی فراہم نہیں کیا جاتا، بی جے پی کسانوں کے حق میں اپنی جدوجہد جاری رکھے گی۔

انہوں نے حکومت سے مطالبہ کیا کہ وہ فوری طور پر جورالا پراجکٹ سے آیَکٹ کے لیے آبپاشی کا پانی جاری کرے اور کسانوں کی فصلوں کو خشک ہونے سے بچائے۔

جورالا پراجیکٹ سے کسانوں کے لیے آبپاشی کا پانی جاری کرنے کا مطالبہ،بی جے پی قائدین کی گرفتاریوں کی مذمت

رپورٹ: پی آر او رکن پارلیمنٹ ڈی کے ارونا
ناشر: سماجی خبریں

Related Post