رکن اسمبلی محبوب نگر وئی سرینواس ریڈی کے ہمراہ رکن پارلیمنٹ ڈی کے ارونا کی افردا خاندان سے ملاقات و تعزیت پیش
محبوب نگر21ستمبر(سماجی خبریں):رکن پارلیمنٹ محبوب نگر محترمہ ڈی کے ارونا نے امریکی پولیس کی جانب سے گولی مار کر ہلاک کرنے کے واقع پر افسوس کا اظہار کرتے ہوئے مرحوم نظام الدین کے والدین سے ملاقات کر کے تعزیت کی اور انہیں تیقن دیا کہ وہ نظام الدین کی نعش کو محبوب نگر لانے کی ہر ممکن کوششکی جائیگی.
اس موقع پر ان کے ہمراہ رکن اسمبلی محبوب نگر وائی سرینواس ریڈی و دیگر موجود تھے.
رکن پارلیمنٹ محترمہ ڈی کے ارونا نے اس موقع پر صحافیوں کو بتایا کہ وہ مرحوم نظام الدین کی نعش کو محبوب نگر لانے کے سلسلہ میں امریکہ میں موجود انڈین ایمبیسی حکام سے رابطہ میں ہے.ساتھ ہی انہوں نے اس سلسلہ میں پہلے ہی وزارتِ خارجہ کے حکام سے بھی بات کی ہے۔
محبوب نگر کی بی کے ریڈی کالونی میں مقیم نظام الدین کے اہل خانہ سے ہفتہ کے روز مقامی ایم ایل اے یینم سرینواس ریڈی کے ہمراہ ملاقات۔اگرچہ یہ واقعہ اسی ماہ کی 3 تاریخ کو پیش آیا تھا لیکن یہ خبر تاخیر سے منظر عام پر آئی۔
نظام الدین جو سابقہ 9 برسوں سے امریکہ میں مقیم تھے اور گوگل کمپنی میں ملازمت کر رہے تھے۔حال ہی میں روم میٹس کے درمیان جھگڑا ہوا، جنہیں روکنے کی کوشش کے دوران پولیس وہاں پہنچی اور نظام الدین کو گولی مار کر ہلاک کر دیا۔
اس موقع پر رکن پارلیمنٹ محترمہ ڈی کے ارونا کے بتایا کہ وہ نظام الدین کی میت کو واپس لانے پر ہونے والے اخراجات مرکزی حکومت برداشت کرے، اس سلسلے میں اعلیٰ حکام سے نمائندگی کی جائے گی۔
نظام الدین کی موت پر ان کے والدین سمیت ہم سب کو شدید شکوک و شبہات ہیں۔اس واقعہ پر تحقیقات کرانے کے لیے کونسلیٹ جنرل سے بھی گفتگو کی جائے گی۔
پولیس کو فائرنگ کر کے نظام الدین کو کیوں ہلاک کرنا پڑا؟ اس واقعہ کی مکمل اور شفاف تحقیقات ہونا نہایت ضروری ہے۔